Во текот на прогласеното „велигденско примирје“, руските сили извршиле вкупно 10.721 прекршување на договорениот прекин на огнот, соопшти Генералштабот на вооружените сили на Украина. И покрај декларативната заложба за мир, интензитетот на борбите на теренот не стивнува, а во последните 24 часа се регистрирани 107 директни борбени судири.
Артилерија и „дронови“ наместо ракети
Според официјалниот извештај на украинскиот Генералштаб, објавен преку социјалните мрежи, во овој период не се евидентирани ракетни напади или воздушни удари. Сепак, руската армија интензивно користела артилериски и беспилотни системи за напад.
Од вкупниот број на прекршувања, статистиката изгледа вака:
- 1.567 артилериски напади;
- 119 напади со друга тешка опрема;
- Повеќе од 9.000 напади со беспилотни летала (дронови).
Во нападите, според украинските воени извори, масовно биле користени FPV беспилотни летала, како и моделите „Лансет“ и „Молнија“. Исто така, пријавена е и зголемена употреба на повеќекратни ракетни фрлачи (повеќецевни ракетни фрлачи) низ линијата на фронтот.