Вархеји тврди дека „нон пејпр” документите се невистинити

Еврокомесарот за проширување Оливер Вархеји,  кој денеска престојуваше во Тирана, новинарите го прашаа и околу „нон пејпер” за промена на границата меѓу Србија и Косово, јави дописничката на МИА од Тирана.

Вархеји рече дека овие вести не се вистинити бидејќи сите знаат каде ќе ги однесе повторното поставување на граници, додавајќи дека ниту една сериозна личност не би поставила ваква тема за дискусија.

– Ова е како годишно време во кое гледаме како цутат вакви документи. Интересно е кога ги слушаме овие вести, иако сме убедени дека тоа се лажни вести. Но, доколку беа вистинити ќе беа вознемирувачки зашто повторното обележување на границите сите знаме кон што не води. Не се согласуваме со ниту еден дел од тоа и не мислам дека се вистински и реални овие идеи. Ангажирани сме како ова годишно време да го направиме да биде за Западен Балкан, како да работиме за да ја аплицираме новата методологија во врска со Србија и Црна Гора и како да постигнеме успех меѓу Белград и Приштина – изјави Вархеји, пренесува Топ чанел.

На истата тема премиерот Еди Рама рекол дека третиот мандат на неговата влада ќе биде фокусиран „на намалување на историското производство и раст на економијата”  и додаде дека негова визија и уверување е „регионалниот Шенген”.