Претседателот на САД Доналд Трамп, голем љубител на боречките спортови, објави во недела дека ќе одржи борба во мешани боречки вештини (ММА) во Белата куќа на 14 јуни, на неговиот 80-ти роденден.
На 14 јуни следната година, ќе имаме голема UFC борба во Белата куќа, токму во Белата куќа, на дворот на Белата куќа”, рече американскиот претседател за време на говорот во Норфолк, Вирџинија, по повод 250-годишнината на американската морнарица. Трамп го гледа UFC. Шефот на UFC Дејна Вајт, близок пријател на Доналд Трамп, веќе објави минатиот август дека ММА настан ќе се одржи во Белата куќа за да се одбележи 250-годишнината на САД. Првично планираниот датум бил 4 јули, кога се слави Денот на независноста во САД. Во текот на неговата кариера, која ги опфаќа шоу бизнисот и политиката, Доналд Трамп често се појавуваше заедно со боксери како Мајк Тајсон и борачи како Хулк Хоган. Откако повторно стана претседател, тој редовно ги следи борбите на UFC. За триесет години, ММА премина од “изгнаник” спорт во мејнстрим, модерна дисциплина, некаде помеѓу спектаклот и политиката. Таа генерира милијарди долари, далеку од деновите кога, сметана за премногу насилна, беше забранета во 36 од 50 држави во САД.