Македонија влегува во период на стабилно и релативно топло време кој ќе го одбележи претстојниот викенд, информираат од Управата за хидрометеоролошки работи (УХМР). Денеска не очекува сончев ден со мала до умерена локална облачност и слаб до умерен северен ветер.
Температурите денеска ќе се движат од минимални 0 до 7 степени, додека дневниот максимум ќе достигне до 25 степени.
Во Скопје времето ќе биде променливо облачно со сончеви периоди и умерен северен ветер. Утринската температура во главниот град ќе се спушти до 5 степени, а дневната ќе се искачи до 23 степени.
Што не очекува следните денови?
Според официјалната прогноза на УХМР, викендот и почетокот на следната недела ќе поминат во знак на сонцето:
„За време на викендот и почетокот на следната недела ќе се задржи претежно сончево и потопло време со појава на променлива облачност во текот на денот. Ќе дува умерен, а во источните делови повремено засилен северен ветер.“
Сепак, пролетната идила нема да трае долго. Од вторник се очекува промена на временската слика. Метеоролозите најавуваат период на нестабилно време со повремен дожд и грмежи, проследено со постепено опаѓање на дневните температури.