Полицијата лиши од слобода 71-годишен прилепчанец по пријава дека полово вознемирувал 40-годишна жена во нејзиниот дом.
Според информациите од МВР, случајот бил пријавен на 7 јули. Жената пријавила дека осомничениот, додека таа била во домот со својата малолетна ќерка, ја вознемирувал и се обидел недолично да ја допира по телото.
Од полицијата информираат дека по целосното документирање на случајот против осомничениот ќе биде поднесен соодветен поднесок.