Полицијата во Бијело Поље приведе просветен работник под сомнение за сторено кривично дело сексуално вознемирување. Според официјалните информации од црногорското Министерство за внатрешни работи, станува збор за лицето М.Ч. од Колашин.
Инцидентот се случил во просториите на образовна институција, а осомничениот бил пријавен за недолично однесување кон малолетно лице.
„Имено, се сомнева дека гореспоменатото кривично дело го сторил просветниот работник М.Ч. од Колашин на штета на малолетник со непристојно допирање на повреденото лице за време на наставата во образовна институција“, се наведува во соопштението на Управата на полицијата.
Акцијата е спроведена во соработка со Основното државно обвинителство во Бијело Поље. Осомничениот во законски предвидениот рок ќе биде изведен пред јавен обвинител за натамошна постапка.