Вистинска драма се случувала утрово околу 9 часот во предградието на Милано, откако 11 деца на возраст од само една и две години биле итно хоспитализирани поради труење со јаглерод моноксид. Истекувањето на гасот се случило во градинка на „Виале Чертоса“, предизвикувајќи паника кај вработените и родителите.
Покрај децата, во болница се пренесени и четворица возрасни – двајца наставници и двајца родители кои во тој момент се наоѓале во просториите. Здравствените работници веднаш по пристигнувањето ги евакуирале сите присутни во тријажна соба за да ги проценат симптомите и потребата од дополнителна терапија.
Експертските единици за нуклеарна, биолошка и хемиска заштита (NBKR) се на терен и работат на утврдување на причината за истекувањето на овој опасен гас без мирис и боја.