Следејќи ги најновите податоци од Управата за хидрометеоролошки работи (УХМР), утринава најстудено било во Берово со -2 степена, додека во Маврови Анови се измерени 2, на Попова Шапка 3, а во Скопје 7 степени. Најтопло утрово е во Виница каде што се измерени 11 степени.
Според прогнозата на УХМР, денеска во земјава ќе преовладува сончево време со слаб до умерен ветер од северен правец. Максималните дневни температури ќе се движат во интервал од 19 до 26 степени. Во Скопје исто така се очекува сончево време со слаб до умерен северен ветер, а максималната температура ќе достигне до 25 степени.