Утрово најстудено е на Попова Шапка со температура од 3 степени Целзиусови, соопшти УХМР. Потоа следуваат Маврови Анови со 6, Крушево со 7, Берово, Крива Паланка, Претор и Охрид со 9, Куманово, Прилеп и Виница со 10, Битола и Тетово со 11, Скопје-Зајчев Рид, Велес, Штип со 12, Кавадарци, Струмица, Скопје-Петровец и Демир Капија со 13 и Гевгелија со 14 степени.
Во однос на врнежите, најмногу дожд наврна во Крушево и Претор – 32 литри на квадратен метар, потоа 23 на Попова Шапка, 18 во Кавадарци, 15 во Куманово, 13 во Крива Паланка и Битола, 12 во Охрид, 11 во Велес, по 10 во Скопје–Петровец, Виница, Тетово и Берово, 9 во Ѓуриште, по 8 во Тополчани и Демир Капија, по 7 во Маврови Анови, Пожаране и Прилеп, 5 во Гевгелија, и по 2 во Скопје–Зајчев Рид и Струмица. Од УХМР појаснуваат дека дадените вредности се измерени на дождомерните места, а поради локалноста на процесите, паднатата количина воден талог многу варира и на различни места може да биде многу поголема.
Времето претпладне ќе биде променливо облачно со повремени локални врнежи од дожд, додека во попладневните часови облачноста ќе се намали. Ќе дува слаб до умерен ветер од северен правец, а максималната температура ќе биде во интервал од 15 до 21 степен.
Во Скопје, во претпладневните часови ќе биде претежно облачно со повремени врнежи од дожд, по што попладне облачноста ќе се намали. Ќе дува слаб ветер од променлив правец, а максималната температура ќе достигне до 20 степени.