Студено утро во Македонија со температури под нулата во неколку градови. Според мерењата на Управата за хидрометеоролошки работи, најниската температура утрово од минус 5 степени е измерена во Берово.
Минус еден степен е регистриран на Попова Шапка, Маврови Анови, Крива Паланка и Лазарополе, додека нула степени се измерени во Струмица, Скопје-Петровец, Охрид, Демир Капија, Битола и Тетово. Најтопло утрово е во Гевгелија со измерени 5 степени.
Денеска не очекува сончево време со мала локална облачност и слаб до умерен ветер од северен правец.
„Максималната температура ќе биде во интервал од 18 до 25 степени“, информираат од УХМР.
Во Скопје времето ќе биде слично – сончево со мала облачност. Ќе дува слаб до умерен северен ветер, а максималната температура ќе достигне до 24 степени.