УХМР ги измери температурите во градовите низ Македонија, во осум часот наутро. Според податоците од УХМР, најтопло ова утро е во Кавадарци и Виница, каде се измерени 26 степени од рано наутро.
Најниска утринска температура ова утро е измерена во Крива Паланка, 20 степени.
Во Скопје утрово се измерени 24 степени.
Денеска времето ќе биде сончево и многу топло, со мала до умерена локална облачност. Попладне во планинските региони ќе има услови за краткотраен дожд и ретки грмежи. Ќе дува слаб до умерен ветер од променлив правец. Температурите ќе се движат од 11 до 22 степени наутро, а дневните ќе достигнат од 33 до 39 степени.
Во Скопје ќе биде сончево и многу топло со мала до умерена облачност и слаб до умерен северозападен ветер. Температурата ќе се движи од 17 до 38 степени.
И во наредните денови продолжува периодот на сончево и многу топло време, со температури кои на места ќе достигнат до 40 степени. Попладне ќе има услови за локален развој на нестабилна облачност, проследена со краткотраен пороен дожд и грмежи.