Уште еден кандидат влегува во трката за Претседател на СДСМ

Во моментов актуелниот директор на Дирекција за Технолошко-индустриски развојни зони, Јован Деспотовски во партиското седиште и официјално ја поднесува својата кандидатура за претседател на владејчката СДСМ.

Тој вчера најави дека сериозно размислува да се кандидира, но дека прво сака да се консултира и со семејството.

-Утре ќе ја соопштам конечната одлука. Сакам да се консултирам и со семејството. Сепак ги вовлекувам во ова. Сметам дека имам резултати и можам да понудам добар концепт. Не е лесна одлука, напротив е комплицирано време и треба да е со концепт и знаење – изјави Деспотовски.

Димитар Ковачевски, Фросина Ременски и Властимир Алексовски се другите тројца  кандидати кои веќе ги поднесоа кандидатурите за претседател на СДСМ.

Рокот за поднесување кандидатури истекува попладнево во 16 часот, а можност за влез во изборната трка најави и Миле Зечевиќ.