Управата за хидрометеоролошки работи попладнево информираше за брза дестабилизација на времето во неколку региони низ државата. Според последните согледувања на синоптичарите, регистрирани се врнежи и електрични празнења во западниот, северниот, но и во делови од скопскиот регион.
Од метеоролошката служба излегоа со прецизни податоци за моменталните процеси на теренот.
„Моментална состојба: Според радарска слика има врнежи од дожд и појава на грмежи во Кумановскиот, Тетовскиот и Дебарскиот регион. Во источните делови од Скопската Котлина има пороен дожд и појава на ретки грмежи“, соопштија од УХМР.