Денеска не очекува сончево и топло време со мала до умерена локална облачност, додека долж денот ќе дува умерен, а повремено и засилен ветер од северен правец.
Утринските температури се движат во интервал од 12 до 19 степени, а максималните дневни ќе се искачат помеѓу 29 и 33 степени Целзиусови.
Во Скопје времето е сончево и топло со мала до умерена облачност. Во главниот град ќе дува слаб до умерен ветер од променлив правец, со минимална температура до 18 и максимална дневна до 33 степени.
Според најавите од Управата за хидрометеоролошки работи (УХМР), стабилното, сончево и топло време ќе се задржи до средината на следната работна седмица, со слаба до умерена дневна облачност.
До понеделник ќе преовладува северозападен ветер, кој во недела и понеделник долж Повардарието ќе достигне брзина над 40 километри на час. Од вторник се очекува ветерот да го смени правецот во југозападен.