Управата за хидрометеоролошки работи (УХМР) попладнево издаде нов вонреден извештај за развој на нестабилно време, кое во моментов опфаќа повеќе региони во државата.
Според информациите на синоптичарите, облачната маса носи локални врнежи и во главниот град.
„Во Кумановскиот регион и во источните делови од Скопската Котлина има врнежи од дожд и појава на грмежи. Поинтензивен пороен дожд, грмежи и засилен ветер има во околината на Валандово“, соопштија од УХМР.
Најкритично во моментов е на југот од земјата, каде што се бележат поинтензивни процеси проследени со силен ветер.