Времето денеска во земјава ќе биде претежно облачно со повремени локални врнежи од дожд. УХМР предупредува дека на места врнежите ќе бидат пообилни, со очекувана количина над 30 литри на квадратен метар за 24 часа.
Локално се можни и услови за невреме со засилен ветер, кој ќе надминува 60 километри на час, како и појава на ретки грмежи.
Ќе дува умерен до засилен ветер од јужен правец.
Минималните температури ќе бидат во интервал од 6 до 11, а максималните ќе достигнат од 13 до 18 степени.
Во Скопје ќе преовладува облачно време со повремени врнежи од дожд, кои во делови од котлината повремено ќе бидат пообилни. Ќе дува умерен, а во делови од котлината повремено засилен јужен ветер. Минималната температура ќе се спушти до 8 °C, а максималната ќе достигне 14 °C.
Најава за периодот до крајот на седмицата:
Под влијание на серија влажни воздушни бранови, до крајот на седмицата следува период на променливо облачно и релативно топло време со повремени локални врнежи од дожд. Врнежите наместа ќе бидат пообилни, локално со услови за невреме, засилен јужен ветер (над 60 км/ч) и ретки грмежи. Во текот на 24 часа се очекува да наврне поголема количина дожд (над 30 л/м²).