Гевгелија и Демир Капија измерија највисоки температури во земјава денеска во 14:00 часот, соопштија од Управата за хидрометеоролошки работи (УХМР).
Според податоците од мерните станици, во Гевгелија се измерени 36,8 степени, додека во Демир Капија живата во термометарот достигна 36,6 степени Целзиусови.
Во Скопје (Зајчев Рид) температурата во 14 часот изнесуваше 35,5 степени. Високи температури се регистрирани и во Кавадарци и Велес каде се измерени по 34,7 степени, како и во Куманово со 33,2 степени.
Во останатите градови, метеоролозите измерија 32,6 степени во Штип, 32,3 во Тетово, 31,7 во Битола, 30,9 во Прилеп, 30,6 во Струмица и 30,4 степени во Крива Паланка. Под 30 степени измерија Пожаране (30,0), Виница (28,7), Ѓуриште (28,5), Претор (28,3) и Крушево (27,1).
Најниски температури во овој термин се измерени во планинските предели и во Берово, каде се регистрирани 23,8 степени, додека на Попова Шапка температурата изнесуваше 20,5 степени Целзиусови.
За мерната станица Маврови Анови во овој термин нема регистрирано податок за температурата.