УХМР ги измери температурите утрово во градовите низ Македонија. Мерните станици во осум часот покажаа дека најниска утринска температура има на Попова Шапка, каде се измерени 14 степени, по што следи Берово со 15 степени.
Најтопло е во Гевгелија со измерени 25 степени во осум часот, по што следат Струмица со 24 степени и Велес и Кавадарци со 22 степени.
Во Скопје ова утро во осум часот УХМР измери 21 степени Целзиусови.
Времето денеска ќе биде сончево и топло, со мала до умерена локална облачност. Попладне во планинските региони ќе има зголемена облачност, со услови за краткотраен дожд и ретки грмежи. Ќе дува слаб до умерен ветер од северозападен правец. Минималната температура ќе се движи од 12 до 20, а максималната од 30 до 38 степени.
Во Скопје ќе биде сончево и топло, со мала до умерена облачност. Ќе дува слаб до умерен северозападен ветер. Минималната температура ќе се спушти до 17, а максималната ќе достигне 37 степени.
Од четврток следува период на претежно стабилно и многу топло време. Во сабота наместа ќе има нестабилност со засилен ветер, пороен дожд и грмежи. За време на викендот, дневната температура на места се очекува да надмине 40 степени.