Министерот за земјоделство, шумарство и водостопанство, Цветан Трипуновски, во гостување на радио „Лидер“ остро ги демантираше информациите на опозицијата дека се скратени 40 милиони евра од програмата за субвенции. Според Трипуновски, станува збор за обид на опозицијата да „ќари“ политички поени преку ширење дезинформации во недостиг на идеи и креативност.
„Проекцијата од 100 милиони евра е стандардна рамка во изминатите десетина години. Лага е дека нешто е скратено. Напротив, доколку има потреба, во текот на годината секогаш се обезбедуваат дополнителни средства преку ребаланс или пренамена“, дециден е министерот.