Американскиот претседател Доналд Трамп изјави дека верува оти војната во Украина ќе заврши до крајот на неговиот претседателски мандат, кој истекува во ноември 2028 година. Во интервју за „Фокс њуз“, тој рече дека рускиот претседател Владимир Путин е подготвен да постигне договор за прекин на конфликтот.
Запрашан дали очекува војната да заврши додека е на функција, Трамп одговори потврдно.
„Мислам дека ќе заврши, да. Дури и мислев дека војната ќе заврши порано. Мислев дека тоа е најлесното прашање за решавање бидејќи добро се сложувам со двајцата лидери (на Русија и Украина). Навистина мислев дека тоа ќе биде мојата најлесна задача“, рече американскиот претседател.
Трамп додаде дека е во постојана комуникација со рускиот претседател Владимир Путин и изрази уверување дека Москва е подготвена за постигнување договор.
Во текстот се потсетува дека во периодот од март 2023 до октомври 2024 година, Трамп најмалку 53 пати изјавил дека ќе ја заврши војната во Украина „во рок од 24 часа“ или уште на првиот ден од неговиот мандат во Белата куќа.