Претседателот на САД, Доналд Трамп, по најновиот телефонски разговор со рускиот лидер Владимир Путин, изрази оптимизам дека конфликтите во Украина и Иран се движат кон завршница по сличен временски распоред. Трамп упати остри оцени за воената моќ на противниците, нагласувајќи дека Украина е воено поразена, додека иранските капацитети се десеткувани.
Во изјава за CNN, Трамп посочи дека иранската морнарица претрпела огромни загуби, што според него, значително ја менува позицијата на Техеран во преговорите.
„Не би го знаеле тоа од читање лажни вести, но воено, можеби погледнете, тие имаат 159 бродови – секој брод е под вода во моментов. Би им било тешко да се опорават поморски. Немаат морнарица, немаат воздухопловни сили, немаат воздушна одбрана“, изјави Трамп.
Американскиот претседател откри дека во моментов активно се преговара по телефонски пат, избегнувајќи ги долгите дипломатски летови. Тој е дециден дека нема да има никаков договор доколку Иран не се откаже целосно од својата нуклеарна програма. Во однос на Украина, Трамп верува во „релативно брзо“ решение по консултациите со Москва.