Таксист кој работи преку познати светски апликации предизвика лавина коментари на социјалната мрежа Reddit, откако јавно призна дека бара неверојатни 200 евра дополнително доколку патникот се појави со домашен миленик без претходна најава.
Возачот вели дека патниците често нарачуваат стандардно возење за да заштедат, а потоа се изненадени од неговата реакција.
„Ги потрошивте времето и парите за да стигнам до вас. Кога ќе видам куче, велам дека можете да влезете, но платете 200 евра дополнително. Потоа сте изненадени“, напиша тој.
Тој објаснува дека доколку патникот одбие да плати, тој не го откажува возењето веднаш, туку чека пет минути за на патникот автоматски да му биде наплатен надомест за откажување. Според него, чистењето на возилото по превоз на куче му одзема премногу време и предизвикува финансиска загуба.
Иако платформите нудат посебна категорија за миленици, многу корисници ја избегнуваат, што доведува до вакви непријатни ситуации. Единствен исклучок во неговото правило се кучињата-помошници, кои законски мора да бидат превезени бесплатно.