Американскиот претседател Доналд Трамп најави воведување на високи трговски бариери за земјите кои одржуваат економски врски со Иран. Според неговата изјава, секоја држава што „соработува со Исламската Република Иран“ ќе се соочи со итна царина од 25%.
„Секоја земја што соработува со Исламската Република Иран ќе плати царина од 25%, која ќе стапи на сила веднаш“, изјави Трамп.
Засега нема подетални информации за тоа како технички ќе се спроведува оваа мерка. Претседателот на САД не прецизираше дали царините ќе се однесуваат на сите сектори или само на одредени видови трговска размена.
Овој потег доаѓа во период на екстремно затегнати односи меѓу Вашингтон и Техеран, додека Иран се соочува со внатрешни протести и постојан притисок од американската администрација.