Остварен е голем напредок кон воспоставување американска воена база во Полска, објави американскиот претседател Доналд Трамп, истакнувајќи дека за ова придонело „храброто водство“ на полскиот претседател Карол Навроцки.
Трамп ја сподели оваа информација преку својата социјална мрежа „Truth Social“.
„Ако се случи ова, локацијата ќе биде објавена многу наскоро. Тоа ќе биде историски чекор во големиот сојуз меѓу САД и Полска“, напиша Трамп.
Инаку, полскиот министер за одбрана Владислав Кошќињак-Камиш оствари средба со американскиот министер за одбрана Пит Хегсет во јуни оваа година, во периодот кога беа најавени прегледи на распоредувањето на американските трупи во Европа кои досега престојуваа на ротациона основа.