Телото на руската државјанка Људмила Туркова Константиновна, која се водеше за исчезната од 25 јули, е пронајдено во куфер во канал во населбата Падинска Скела во Србија.
Нејзиното тело било пронајдено синоќа, по што полициски екипи веднаш излегле на терен и извршиле увид на местото на настанот.
Според првичните информации, критичната вечер Људмила се подготвувала за излегување во клуб, но засега нема потврда дали стигнала на планираната локација.
Последната комуникација со неа била регистрирана во 23:15 часот, по што ѝ се губи секој траг, а нејзините профили на социјалните мрежи беа неактивни.
Пријателка на исчезнатата за српските медиуми изјавила дека за официјално пријавување на случајот во полицијата било потребно да се почека извештајот од Интерпол, кој претходно го поднела нејзината мајка во Русија.
Телото на починатата жена е пренесено на обдукција, а понатамошната истрага треба да ги утврди точните причини и околности под кои настапила смртта.