Трагедија во Хрватска: Татко си го заборавил детето во автомобил, момчето починало од топлината

Безживотно тело на петгодишно момче било пронајдено во заклучен автомобил на паркинг во Книн, Хрватска. Според изворите на хрватски „Индекс“, таткото, мајката и момчето утрото заедно излегле од дома и влегле во автомобилот. Таткото, прво ја однел мајката на работа, а потоа, пред да замине на работа, требало да го однесе синот во градинка.

Полицијата вчера добила пријава нешто по 15 часот дека починато момче било пронајдено во автомобил во Книн, потврди портпаролот на полицијата во Шибеник, Шиме Павиќ.

„Во тек се истражни дејствија по наредба на округот и државното обвинителство на Хрватска. Ние нема да прејудицираме како се случило, бидејќи ќе го утврдиме со кривична истрага “, рече тој.

Портпаролот на полицијата во Шибеник, кратко изјави дека полицијата нема да излезе со детали додека не заврши обдукцијата. Повеќе детали треба да се знаат во текот на денот.

Медиумите повикувајќи се на изјави на сведоци наведуваат дека таткото, професионален војник, отишол на работа без да сфати дека момчето кое заспало на задното седиште од возилото не го однел до градинката и детето останало во заклучен автомобил.

09.06.2021 - 10:59

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега