Страшна сообраќајна несреќа се случи на индонезискиот остров Јава, каде во превртување на патнички автобус животот го загубија најмалку 16 лица. Несреќата се случила кај градот Семаранг, кога возачот изгубил контрола врз возилото во кое имало 34 патници.
Според локалните власти, автобусот удрил во бетонска ограда пред да се преврти на страна. Шест патници загинале на самото место, додека уште десет лица им подлегнале на повредите на пат кон болница или за време на укажувањето лекарска помош.
Автобусот сообраќал на релација од главниот град Џакарта до древниот град Јогјакарта. Лекарите во двете блиски болници се борат за животот на уште 18 повредени патници, од кои петмина се наоѓаат во критична состојба.