Министерот за внатрешни работи, Панче Тошковски, заедно со директорот на Бирото за јавна безбедност и раководството на СВР Велес, денеска учествуваше во пролетен марш на подрачјето на Неготино. Маршот се одвиваше на релација од месноста Острово до манастирот „Свети Ѓоргија“.
Според министерот, ваквите активности се клучни за зајакнување на внатрешната кохезија во редовите на полицијата.
„Овие активности ја јакнат сплотеноста, довербата и тимскиот дух во полицијата. Силна полиција се гради со професионалност, физичка подготвеност, ментална стабилност и меѓусебна почит“, истакна Тошковски.
Тој упати благодарност до сите полициски службеници кои беа дел од денешниот настан, потенцирајќи ја насоката во која ќе се развива министерството.
„Продолжуваме да градиме подготвена, сплотена и уште поблиска полиција до граѓаните“, порача министерот во својата објава.