Како никогаш досега во мирна фер и демократска атмосфера, без сериозни инциденти поминал изборниот процес. Ваква оценка на првата-прес конференција по гласањето во вториот круг даде министерот за внатрешни работи, Панче Тошковски.
Кажа дека во текот на денот полицијата регистрирала 30 настани, најголем дел во Скопје. Најчести биле пријавите за агитирање на гласачко место, неовластено присуство на гласачко место, случаи на поткуп и фотографија на гласачки ливчиња.
Во 19 од 26 пријави не се потврдени кривични дела, остантите четири сѐ уште се обработуваат.
-Изборниот процес се одвиваше без сериозни инциденти, без нарушување на јавниот ред и мир, рече Тошковски.
Им се заблагодари на полициските службеници кои придонеле до процес во демократска атмосфера.
-Гласањето започна навреме на сите гласачки места, освен на 9 кадешто имаше кратко задоцнување. Во дел од гласачките места беа евидентирани осум привремени прекини на гласањето поради технички проблеми со апаратите за идентификација кои беа навремено решени, без влијание врз текот и законитоста на изборниот процес, рече Тошковски.