Полицијата привела 63-годишен жител на тетовското село Палатица, осомничен дека физички го нападнал својот внук и го удирал со дрвен предмет.
Според информациите од полицијата, случајот бил пријавен откако било утврдено дека мажот го нападнал внукот во семејниот дом.
По пријавата, полициски службеници го лишиле од слобода осомничениот и го задржале во полициска станица за понатамошна постапка.
По целосно документирање на случајот, против него ќе биде поднесена соодветна пријава.