Четириесет и осумгодишен работник е тешко повреден при извршување на работни задачи во фирма на подрачјето на скопската општина Чаир.
Како што соопшти Министерството за внатрешни работи, на 30 јуни околу 21:35 часот од Комплексот клиники „Мајка Тереза“ во СВР Скопје било пријавено дека кај нив со тешки телесни повреди бил донесен А.К. (48).
Според првичните информации, тој се здобил со повредите за време на извршување на работните обврски. Полициски екипи извршиле увид на местото на настанот, а за случајот бил известен и трудов инспектор, кој ќе ги утврдува околностите под кои дошло до несреќата.