Германски државјанин (31) е во критична состојба и се бори за живот во Универзитетската болница во Инсбрук по падот од 100 метри во Тиролските Алпи, соопшти австриската полиција.
Според информациите што ги пренесе „Дер Шпигел“, баварскиот планинар е хоспитализиран на одделот за интензивна нега.
Инцидентот се случил во саботата навечер додека планинарот се спуштал од врвот Внатрешен Ветерсписте (3.053 метри) во Штубајските Алпи. На стрмниот дел ја изгубил рамнотежата и паднал по карпеста падина.
Полицијата соопшти дека со него биле уште двајца планинари и, иако не можеле да стигнат до повредениот човек, веднаш ги известиле спасувачките служби.
Германскиот планинар бил пронајден од спасувачките служби и бил пренесен со хеликоптер во болница во Инсбрук, пренесува „Танјуг“.