На 12 јули 2026 година, во 16:26 часот, во ОВР Крушево било пријавено дека на регионалниот пат Крушево – Прилеп, кај месноста „Двојна кривина“, се случила сообраќајна несреќа во која учествувале патничко возило „Форд“ со прилепски регистарски ознаки и мотоцикл „Хамачи“ без регистарски ознаки.
Според информациите од полицијата, автомобилот го управувал Р.Т. (61) од селото Житоше, општина Долнени, додека со мотоциклот управувал М.Б. (26), исто така од селото Житоше.
Во несреќата, мотоциклистот М.Б. се здобил со тешки телесни повреди. Тој со возило на Итната медицинска помош бил пренесен во Градската општа болница во Прилеп, каде што му биле констатирани повредите.
Увид на местото на несреќата извршила увидна екипа од ОВР Крушево.