Утрово сообраќајна несреќа е регистрирана во близина на селото Тајмиште, кичевско, при што две лица се повредени.
Според информациите од МВР, несреќата се случила околу 8 часот и во неа учествувале патничко и товарно возило.
Повредени се маж и жена кои биле во патничкиот автомобил. Тие биле пренесени во Општата болница во Кичево за укажување лекарска помош.
Полицијата извршува увид на местото, а дополнителни детали за причините и околностите под кои се случила несреќата ќе бидат соопштени по неговото завршување.