Студен фронт од северозапад денес донесе ненадејна промена на времето во Србија, проследена со студени бранови и дожд. По вчерашните речиси летни 27 степени, температурата падна за околу 10 степени, а небото го покрија темни облаци.
Врнежи од дожд со грмотевици се очекуваат и на југот и југоистокот од земјата. На северот и западот студениот бран се почувствува уште пред пладне, додека во текот на попладнето ќе стигне и до јужните и источните краеви.
Метеоролозите најавуваат дека ќе дува силен северозападен ветер, а од север пристигнува посвежа воздушна маса која ќе ја исчисти атмосферата од честичките сахарски песок. Максималната дневна температура ќе се движи од 14 степени на северозапад до 22 степени на југоистокот од Србија, додека во Белград ќе биде до 17 степени.
Повеќе сончеви интервали се очекуваат во петок, но ќе остане посвежо. За време на викендот се прогнозира зголемување на температурите и враќање на потоплото време.