УХМР најавува дека времето денеска ќе биде претежно сончево со мала до умерена облачност. Во попладневните часови на одделни места се очекува нестабилно време проследено со пороен дожд, грмежи, засилен ветер и можност за изолирана појава на град. Ќе дува слаб до умерен ветер, од западен правец во западните делови на земјата, а долж Повардарието од југоисточен правец.
Ова се температурите измерени во осум часот низ Македонија. Утрово е најтопло во Скопје и Струмица каде се измерени 20 степени. Најниска температура има на Попова Шапка, каде се измерени 10 степени утринава.
Во наредните денови времето ќе биде променливо облачно со повремени сончеви периоди. Попладне се очекува локален развој на нестабилна облачност со пороен дожд, грмежи и засилен ветер. Под влијание на циклонска активност, во четврток се прогнозираат поинтензивни врнежи со над 20 литри дожд на квадратен метар, проследени со грмежи, силен ветер и можност за изолирана појава на град.