На 71-годишна возраст почин д-р Васко Мицевски од Ресен, поранешен пратеник во македонското Собрание.
На социјалната мрежа Фесјбук, Антонио Милошоски објави порака за последно збогум.
-„Сочувство до семејството и најблиските на Д-р Васко Мицевски од Ресен.
Истакнат лекар на кого грижата за здравјето на луѓето му беше на прво место. Достојно ги извршуваше и функциите поранешен пратеник во Собранието на Македонија и претседател на ОК на ВМРО-ДПМНЕ Ресен. Но, најважно од сé, беше добар човек, спремен да помогне секому, почитуван од своите сограѓани и високо ценет од неговите колеги. Познанството со него беше чест да за секој што му беше пријател и за секого што имал прилика да соработува со него.
Нека почива во мир и вечен му спомен”, напиша Милошоски.