СЗО: Европските земји се соочуваат со „трајни здравствени кризи“
Светската здравствена организација (СЗО) предупреди дека европските земји се соочуваат со „трајни здравствени кризи“, вклучувајќи зголемување на менталните заболувања кај младите, намалена стапка на вакцинација и пораст на хроничните болести.
Во извештајот за здравјето во европскиот регион, кој опфаќа 53 земји во Европа, Кавказ и Централна Азија и кој СЗО го објавува на секои три години, се наведува дека еден од шест смртни случаи во регионот се должи на незаразни болести како што се срцеви заболувања, рак, дијабетес и хронични респираторни болести.
Националните здравствени системи, веќе преоптоварени од стареењето на населението, истовремено се соочуваат со растечки закани од климатските промени и не се подготвени за идните кризни ситуации, предупредува СЗО.
„Мораме да се справиме со корените на хроничните болести – пушењето, алкохолот, слабата исхрана, загадувањето на воздухот и недоволната физичка активност“, изјави регионалниот директор на СЗО за Европа, Ханс Хенри Клуге.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
