Денешното рочиште за пожарот во дискотеката „Пулс“, каде загинаа 63 лица, донесе нови потресни детали од преживеаните. Сведокот Мартин Димитров пред судот ја опиша паниката и брзината со која се ширел огнот. Според него, критичните 8 до 12 секунди биле пресудни за неговото спасување и спасувањето на неговата девојка.
„Се истуркавме до излезот каде што се заглавивме. Додека бев на првата скала, се свртев назад и сè беше темно, почнаа да пукаат светилките“, посведочи Димитров. Тој додаде дека во објектот имало помеѓу 600 и 700 луѓе, а од заштитна опрема забележал само стрелки за излез, додека противпожарни апарати и хидранти немало.