Потресни детали беа откриени на денешното рочиште во Кривичниот суд за смртта на малата Катја и нејзината мајка Ивана. Класната наставничка посведочи дека уште во септември, на првата родителска средба, бабата на девојчето низ солзи открила дека во семејството се случува брутално насилство од страна на таткото.
Најстрашниот момент бил кога првачето, за време на игра со другарчињата, паднало на подот објаснувајќи: „Вака паѓа мама кога тато ја удира“.
„Веднаш го известивме училишниот психолог. Мајката Ивана беше повикана на разговор, ѝ беше укажано каде да се обрати за помош. Катја на цртежите ја црташе само мајката, велејќи ’јас сум со мама‘“, сведочеше наставничката пред судот.