Основниот кривичен суд Скопје излезе со официјален пресек за состојбата со предметите против поранешниот премиер Никола Груевски. Клучната новост е дека затворската казна од две години за набавката на луксузниот „мерцедес“ во предметот „Тенк“ е веќе официјално застарена.
Од Судот појаснуваат дека апсолутната застареност за извршување на оваа казна настапила на 4 октомври 2024 година, по што е донесено соодветно решение по службена должност. Сепак, застарувањето на овој случај не значи слобода за Груевски, бидејќи против него сè уште се активни меѓународни потерници за други правосилни пресуди.
Во моментов, поранешниот премиер се соочува со вкупна затворска казна од над 10 години за случаите „Плацеви на Водно“ и „Насилство во Центар“.