Судскиот совет денеска му ја довери функцијата претседател на Управниот суд на Субхи Јакупи, досегашен судија во Вишиот управен суд. Судсиското искуство и познавањето на управното прави биле клучните аргументи за неговиот избор.
Во текот на расправата, повеќе членови на Советот ги посочиле професионалното искуство на Јакупи, неговите раководни способности и програмата што ја презентирал како причини поради кои го издвоиле меѓу кандидатите.
Особено било нагласено неговото досегашно работење во Вишиот управен суд, како и познавањето на функционирањето на управното судство.
Со изборот на Јакупи, Управниот суд добива нов претседател, кој ќе ја преземе одговорноста за раководење со институцијата и организирање на нејзиното работење.