Утрово е најстудено во Берово, еден степен, а максимални 16 степени се измерени во Гевгелија.
Како што информира УХМР, до 8:30 часот утрово се измерени и 3 степени во Лазарополе, 4 во Попова Шапка, 5 во Крива Паланка и Битола, 6 во Маврови Анови, 7 во Тетово, Струмица и Крушево, 8 во Штип, Прилеп, Демир Капија и Претор, 9 во Скопје – Петровец, 10 во Куманово и Виница, 11 во Охрид, 12 во Скопје – Зајчев Рид и 13 во Велес.
Времето денеска ќе биде сончево, со слаб до умерен, наместа долж Повардарието повремено засилен северен ветер. Максималната температура ќе достигне од 23 до 30 степени.
Во Скопје сончево со слаб до умерен, во делови од котлината повремено засилен ветер од северен правец. Максималната температура ќе достигне до 30 степени.