Во Србија денеска и утре се очекува вистинско летно време со максимални температури од 30 до 35 степени, под влијание на прилив на топол воздух од северна Африка, но за време на викендот следува промена проследена со студен фронт.
Најтопол ден ќе биде сабота, кога максималната температура ќе достигне од 34 до 38 степени, додека во Белград ќе се искачи до 36 степени.
Подоцна попладне, студениот фронт најпрво ќе продре до северна Војводина, носејќи локални врнежи од дожд, грмотевици и засилување на северозападниот ветер.
Во текот на вечерта и ноќта, фронтот ќе се движи кон централните и јужните делови од земјата. Во повеќето области врнежите ќе изостанат и само изолирано ќе има услови за дожд, но силниот северозападен ветер ќе донесе чувствително освежување.
Вториот ден од викендот ќе донесе попријатно време со пад на температурите за околу 7 степени, па максималната дневна температура во повеќето региони ќе се движи околу 30 степени.
Ново тропско бранување се очекува во првата половина од следната недела, додека од четврток, 10 септември, метеоролозите најавуваат крај на жешкото лето и поизразена промена на времето.