Сопствениците на швајцарскиот ски-бар во Кранс-Монна, кој беше зафатен од смртоносен пожар, денес се појавија на сослушување во канцеларијата на државниот обвинител. Станува збор за брачниот пар Жак Морети (49) и неговата сопруга Џесика Морети (40), кои се осомничени за убиство од небрежност, нанесување телесни повреди од небрежност и палење од небрежност, објави „Дејли меил“.
Морети беа фотографирани при пристигнувањето во Сион, главниот град на кантонот Вале. Џесика Морети била видливо вознемирена и во солзи додека минувала покрај собраните фотографи.
Набргу по нивното пристигнување беше соопштено дека Жак Морети, еден од ко-сопствениците на барот „Ле Констелејшн“, е приведен. Извори за швајцарските медиуми наведуваат дека одлуката за приведување е донесена поради проценка за можен ризик од бегство.
Претходно оваа недела беше објавено дека барот, кој се наоѓа во популарен скијачки центар, немал спроведено безбедносни инспекции во изминатите пет години.