Огромен дел од покривната конструкција на зграда лоцирана на улицата „Радика“ број 5 во Карпош 3 се урна за време на невремето.
За случајот информираше Јована Стефановска преку социјалните мрежи, посочувајќи дека станарите со години воделе судски спор со фирмата изведувач поради сомнежи за соодветноста на изведените работи.
Според нејзините Run-наводи, станарите плаќале адвокати и вештаци, а пред само неколку дена ја добиле конечната судска пресуда.
Со пресудата било одлучено дека изведувачот постапил правилно и не snosi вина, при што граѓаните морале да ги покријат високите судски трошоци.
Стефановска ја објасни состојбата и реакциите по падот на покривот:
„После само три дена од ваквата судска пресуда се случува оваа катастрофа во која има многу штета, но на огромна среќа нема никој повреден, иако еден од соседите за влакно избегнал смрт.“
Во однос на функционирањето на институциите и одговорноста за квалитетот на градежните изведби, таа дополнува:
„Во Македонија само на среќа остануваме живи, а животите ги губиме без при тоа никој да не е крив. Криминалот секогаш излегува на површина и коси човечки животи како на нај свирепо бојно поле.“
Таа упати и директен апел до локалните власти за преземање ригорозни мерки и одземање на лиценците на изведувачите:
„Доколку Општина Карпош и другите општини кривично не ги гонат сите изведувачи на паднатите кровови, со трајно одземање на лиценца и доживотна забрана за дејност, тогаш дефинитивно ќе го амнестираат овој криминал кој и во иднина ќе биде голема опасност по животот на граѓаните.“