Кандидатката за градоначалник на општина Кисела Вода, Бети Стаменкоска Трајкоска, оствари средби со сограѓаните, разговарајќи отворено за секојдневните предизвици, идеи и предлози што ги засегаат.
„Со дел од тимот од советничката листа, остваривме пријатна средба со жители од Кисела Вода, во „Парк Македонија“ и „Стара Последна“ во Драчево.
Поддршката што ја добивме е силен поттик да продолжиме уште поенергично!
Заедно ги дефинираме приоритетите и ги поставуваме основите за поквалитетен живот во општината.
Продолжуваме со работа, со целосна посветеност и фокус на реалните потреби на луѓето.
Ова не е еднократна акција – ќе нѐ има постојано на улиците, парквоите, секаде каде што сме потребни“, објави Бети Стаменкоска Трајкоска.