Средба Пендаровски-Фетаи: Новиот поглавар на ИВЗ ќе придонесе во унапредувањето на соживотот и почитувањето на различностите
Претседателот Стево Пендаровски денеска го прими поглаварот на Исламската верска заедница, реис-ул-улема Шаќир Фетаи, на која му го честиташе изборот за поглавар на ИВЗ, му посака успех во работата и ги потенцираше своите заложби за соработка со сите верски заедници во Република Македонија.
Како што соопшти претседателскиот Кабинет, Пендаровски на средбата изрази уверување дека новиот поглавар значајно ќе придонесе во мисијата на Исламската верска заедница, во унапредувањето на соживотот и почитувањето на различностите, како една од темелните вредности на нашата држава.
– На средбата, поглаварот на ИВЗ го запозна претседателот Пендаровски со тековната работа на заедницата, како и планираните активности и проекти во следниот период, наведува Кабинетот во соопштението.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
