Србите први во Европа: Русија го потврди квалитетот на вакцините произведени во Србија

Рускиот национален институт за епидемиологија и микробиологија „Гамалеја“ го потврди квалитетот на вакцината произведена во српскиот институт „Торлак“ и одобри дека вакцината „Спутник V“ ќе се произведува во институтот во иднина! Србија со тоа ќе стане првата земја во Европа што ќе ја произведува оваа руска вакцина!

Ова беше објавено по состанокот што вчера во Москва го имаа српскиот министерот Ненад Поповиќ и директорот на Институтот „Гамалеја“, Александар Гинтсбург.

Минатиот месец серијата за валидација на вакцината од „Торлак“ беше испратена на Институтот Гамалеја за тестирање, потсети Поповиќ, кој е и претседател на Мешаниот комитет за соработка со Русија.

- Институтот „Гамалеја“ потврди дека вакцините произведени во „Торлак“ ги исполнуваат пропишаните стандарди за квалитет. Ја добивме оваа потврда од нашите руски партнери и добивме одобрение да продолжиме со производството - истакна Поповиќ и додаде дека ова е одлична вест за Србија, која повторно ќе стане сила во производството на вакцини:

- Денес тоа значи како да го имате најмоќното оружје со кое ја заштитувате безбедноста на своите граѓани.

Тој додаде дека очекува значителна количина на супстанција за производство на двете компоненти на вакцината „Спутник V“ да пристигне во Србија од Русија во следните две недели.