Турската национална разузнавачка агенција (МИТ) спроведе успешна операција во која е уапсен Мехмет Горен, еден од клучните лидери на ИСИС-Хорасан. Горен, познат под кодното име „Јахја“, се смета за главен организатор на самоубиствени напади насочени против цивили во Турција, Европа, Пакистан и Авганистан.
Според безбедносни извори, со ова апсење директно се спречени плановите на терористичката организација за напади за време на новогодишните прослави.
„Герен беше уапсен во граничната област меѓу Авганистан и Пакистан и префрлен во Турција по сложена операција. Разузнавачките агенции открија дека тој се согласил да изврши самоубиствени напади и се искачил на лидерска позиција по обуката во терористички кампови“, потврдија турските власти.
Паралелно со ова, во Анкара е разбиена и мрежа за финансирање на Исламската држава. Обвинителството издаде налози за апсење на 10 лица кои префрлале пари на борци во Сирија преку банкарски дознаки маскирани како „помош за заробени сестри“.